Ekið er frá Reykjavík til Borgarness (þjóðvegur nr. 1). Á leiðinni ferðu um Hvalfjarðargöng og er gjaldið í dag 800 kr. fyrir venjulega fjölskyldubifreið. Ekið er í gegnum Borgarnes og áfram vestur, til vinstri úr hringtorgi við verslun Húsasmiðjunnar. Ekið er um þjóðveg nr. 54 í átt að Stykkishólmi. Við verslun N1 við Vegamót er haldið áfram út og vestur nesið.
Þegar komið er að Fróðárheiði er beygt til vinstri og ekið eftir þjóðvegi nr. 574 í átt að Arnarstapa. Skammt eftir þá beygju er afleggjarinn að Búðum á vinstri hönd.
Með þyrlu eða rútu til Búða: Starfsfólk Búða er þér innan handar með skipulagningu ferða upp á Búðir hvernig sem þú kýst að koma m.a. með þyrlu eða rútu. Hafðu samband og leitaðu frekari upplýsinga.
Akið varlega, góða ferð.