Þeggar hausta tekur og rökkrið leggst yfir taka magnaðar norðurljósasýningar við af miðnætursól sumarsins. Margir af okkar erlendu gestum ferðast langar leiðir til að verða vitni að þessu sjónarspili sem er alltaf jafn heillandi þrátt fyrir að við sem hér búum séum vanari þessum sýningum. Á Hótel Búðum eru kjöraðstæður til að fylgjast með þessu magnaða náttúrufyrirbæri þar sem ljósmengun er engin.
Starfsfólk okkar stendur norðurljósavaktina þegar allar aðstæður eru til staðar og lætur gesti vita sé þess óskað. Þá er um að gera að klæða sig í hlý föt og stíga út í kyrrðina og fylgjast með þessu náttúruundri. Við opnum barinn og bjóðum upp á sérstakan Norðurljósakokteil sem barþjónar okkar hafa þróað og er ekki amalegt að dreypa á meðan norðurljósin dansa svo fagurlega um himinhvolfið.